திரு வேங்கடத்து அந்தாதி 76/100 தன்னை வெறுத்த க

[sridharv1946]

திரு வேங்கடத்து அந்தாதி 76/100 தன்னை வெறுத்த கண்டாகர்ணனுக்கும் திருமால் அருளினான்

ஞானக்கண்டாகனவொக்கும் பவந்துடைநஞ்சிருக்குந்-
தானக்கண்டாகனற்சோதியென்றேத்துவன்றாலமுடன்
வானக்கண்டாகனவண்ணா வென்றோதொலிவந்தடையா-
வீனக்கண்டாகனர்க்கீந்தான் பரகதியென்னப்பனே




பதவுரை : ஞான + கண் + தா + கனவு
தான + கண்டா + கனல்
வான + கண் + தா + கன
ஈன + கண்டாகனற்கு

நஞ்சு இருக்கும் தானக் கண்டா " விஷம் தங்கும் இடமான கழுத்தை உடையவனே !
கனல் சோதி அனல் பிழம்பின் வடிவானவனே
ஞானக் கண் தா ஞானம் ஆகிய கண்ணைக் கொடு
கனவு ஒக்கும் பவம் துடை கனவு போன்ற பிறப்பை நீக்கு "
என்று ஏத்து வல் தாலமுடன் என்று சிவனைத் துதிக்கின்ற வலிய நாவுடன்
வானக்கண் தா காண வண்ணா "வானத்தில் தாவும் மேகம் போல் நிறம் உடையவனே "
என்று ஓது ஒலி வந்து அடையா என்று திருமாலைத் துதிக்கும் ஓசை காதில் நுழையாத
ஈன கண்டாகனற்கு இழிவான கண்டாகர்ணனுக்கு
என் அப்பன் எனது தலைவனான திரு வேங்கடவன்
பரகதி ஈந்தான் ஸ்ரீ வைகுண்டம் அருளினான்