திரு வேங்கடத்து அந்தாதி 28/100 ஐம்புலன்களால் &

[sridharv1946]

திரு வேங்கடத்து அந்தாதி 28/100 ஐம்புலன்களால் அழியாமல் ஈடேற அச்சுதன் அடியை அடையுங்கள் !

சிறக்கும் பதம் தருவார் திருவேங்கடச்செல்வர் செய்ய
நிறக்கும் பதம் தொழுதுய்ய எண்ணீர் - நெறியில் பிழைத்து
மறக் கும்ப தந்தியும் சேலும் அசுணமும் வண்டினமும்
பறக்கும் பதங்கமும் போல் ஐவரால் கெடும் பாதகரே !


:

பதவுரை : சிறக்கும் + பதம் (ஸ்ரீ வைகுண்டம்)
நிறக்கும் + பதம் (திருவடி)
மற + கும்ப + தந்தியும்
பறக்கும் + பதங்கம்

மற கும்ப தந்தியும் (தொடு சுகம் தேடி அழியும்) கோபமும் மத்தகமும் கொண்ட யானையும்
சேலும் (நா சுகம் தேடி அழியும் ) மீனும்
அசுணமும் (செவி சுகம் தேடி அழியும் )அசுணம் என்னும் பறவையும்
வண்டினமும் (வாசனை சுகம் தேடி அழியும் ) வண்டும்
பறக்கும் பதங்கமும் (கண் சுகம் தேடி அழியும் ) விட்டில் பூச்சியும் போல
நெறியில் பிழைத்து நன்னெறியிலிருந்து தவறி
ஐவரால் கெடும் பாதகரே ஐம்புலன்களால் அழியும் அற்பர்களே !
சிறக்கும் பதம் தருவார் சிறந்த ஸ்ரீ வைகுண்டம் அருளும்
திருவேங்கடச்செல்வர் எல்லா செல்வங்களையும் உடையவருமான வேங்கட நாதனின்
செய்ய நிறக்கும் பதம் சிவந்த நிறமுள்ள திருவடிகளை
தொழுது உய்ய எண்ணீர் வணங்கி ஈடேறுவதற்கு நினையுங்கள் !