தேவி பாகவதம் – முதல் ஸ்கந்தம் continues

[soundararajan50]

1#5g. ஹயக்ரீவன் (7)
“பிறவி எடுத்தவனுக்கு மரணம் நிச்சயம்!
பிறவி எடுப்பான் மாண்ட பின்னர் மீண்டும்!
நன்கு ஆலோசித்துக் கேள் தருவேன் உனக்கு,
இன்னொரு வரம் இதற்குச் சமமானது!” என;
எண்ணமிட்டான் ஹயக்ரீவன் தன் மனதில்;
தன் மரணம் தன்னால் அன்றி நிகழக் கூடாது.
“ஹயக்ரீவனான என் மரணம் நிகழ முடியும்
ஹயக்ரீவனால் மட்டுமே என்னும் வரம் தா!”
“ஹயக்ரீவனைத் தவிர வேறு எவராலும்
ஹயக்ரீவன் உனக்கு ஏற்படாது அழிவு!”என;
அரண்மனை திரும்பி, அட்டஹாசம் செய்தான்;
அவனைக் கொல்ல ஒரு ஹயக்ரீவன் இல்லையே!
மனோஹரமான குதிரையின் சிரசை எடுத்து
விநோதமாகப் பொருத்துங்கள் விஷ்ணுவுக்கு.
குதிரைத்தலை கொண்ட விஷ்ணு ஹயக்ரீவன்!
அதிகத் துயர் தரும் அசுரனைக் கொல்ல இயலும்.
பிரமன் பொருத்தினான் ஒரு குதிரையின் தலையை;
பிரமாதமாகப் பொருந்தியது விஷ்ணு உடலில் தலை!
ஹயக்ரீவர்கள் இருவரும் போர் செய்தனர் பின்பு.
ஹயக்ரீவவிஷ்ணு ஹயக்ரீவாசுரனை வென்றார்.
காரணமின்றிக் காரியமில்லை அது போவே
காரியம் நடக்காது தக்க காரணம் இன்றேல்”


வாழ்க வளமுடன், விசாலாக்ஷி ரமணி