தேவி பாகவதம் – முதல் ஸ்கந்தம்

[soundararajan50]

1#5f. ஹயக்ரீவன் (6)

பெருவலிவுடைய ஹயக்ரீவன் என்ற அசுரன்
அரும் தவம் புரிந்தான் சரஸ்வதிநதித்தீரத்தில்.
துறந்தான் உலக போகங்கள் அனைத்தையும்;
மறந்தான் அன்னம், பானம், ஆஹாராதிகளை.
ஜபித்தான் என் ஏகாக்ஷர மந்திரத்தைவிடாது;
துதித்தான் என் தாமச சக்தியைத்தியானித்து!
சர்வாலங்கிருத பூஷிதையாக சிங்கத்தின் மீது
கற்பனைசெய்தது போலவே காட்சி அளித்தேன்
“முத் தொழிலுக்கும் காரணமான தேவி!
பக்தருக்கு அருள் செய்வதில் சமர்த்திநீ.
பஞ்ச தன்மாத்திரைகளுக்குக் காரணம் நீ !
பஞ்ச பூதங்களுக்குக் காரணம் ஆனவள் நீ!
பஞ்ச ஞானேந்திரியங்களும் நீயே தாயே!
பஞ்ச கர்மேந்திரியங்களும் நீயே ” என,
“விரும்பும் வரத்தைக் கேள் ஹயக்ரீவா!
விரும்பிய வண்ணமே அருள்கின்றேன்!”
“மரணம் என்பது ஏற்படக் கூடாதுஎனக்கு
சரணம் அடைய வேண்டும் தேவர்என்னிடம்.
அழியாத தன்மையைத் தந்தருளும் தேவி!” என்று
மொழிந்தான் தான் கோரும் வரங்களைஅசுரன்.


வாழ்க வளமுடன், விசாலாக்ஷி ரமணி