பித்ருசேஷம்

பித்ரு சேஷம் என்றால் என்ன? . ஸ்ராத்ததினத்தில் சாப்பிட கூப்பிட்டால் ஸ்ராத்தம் செய்யும் கர்த்தாவின் மிக நெருங்கிய உறவினர்கள்கூட "நாங்கள் பித்ரு சேஷம் சாப்பிடுவது இல்லை என்று சொல்லிக்கொண்டு விலகி விடுகிறார்கள் " அப்படி சாப்பிடுவது என்ன பெரிய பாபமா அல்லது சாஸ்திரம் அனுமதிப்பது இல்லையா ? அவர்கள் வராவிட்டால் அவர்களின் வீட்டிற்கு யார் போய் சாப்பிடுவார்கள் ? ஏன் நமது பிராமண சமூகம் இப்படி எல்லாம் சொல்லிக்கொண்டு அலைகிறார்கள். இதைப்பற்றி கற்றறிந்த பெரியோர்களின் கருத்து என்ன?

[bmbcAdmin]

Re: பித்ருசேஷம்

ஶ்ரீ:
பித்ரு சேஷம் - ச்ராத்தத்தில் பித்ருவாக வரிக்கப்பட்ட ப்ராமணர்கள் சாப்பிட்டு எஞ்சிய வஸ்துக்கள் ஆகும்.
ச்ராத்தத்தில் பித்ருவாக வரிக்கப்பட்டு சாப்பிடுவது தோஷம் என்பதால்தான்
சாப்பிடுகிறவருக்கு காம்பென்சேஷனாக தக்ஷிணைகள் வழங்கப்படுகிறது.
மற்றவர் இல்ல ச்ராத்தத்தில் பங்காளி அல்லாத ஒருவர் சாப்பிட்டால் கிட்டத்தட்ட
அதற்குச் சமமான தோஷம் உண்டாகும். பித்ரு சேஷம் சாப்பிட்டதற்கு பரிஹாரமாக
குறிப்பிட்டு எந்த பரிந்துரையும் காணப்படவில்லை.
எனவே பித்ருசேஷம் சாப்பிடாமல் இருப்பதே நல்லது.
அதுபோல்,
ச்ராத்தம் - விருந்தினருடன் செய்யவேண்டிய கொண்டாட்டம் அல்ல
அது ஒரு ப்ரத்யேக பூஜை, அதிகப்படியான நபர்கள் சேரச் சேர அந்த பூஜையை
ச்ரத்தையாகவும், சிறப்பாகவும் செய்ய இயலாது.
எனவேதான் ஆப்தீகத்திற்கு அழைப்பு அனுப்பும்போது
"அவசியம் எழுந்தருளியிருந்து ..." என்கிற வாசகத்தைப் பயன்படுத்தாமல்
"திருவுள்ளம் அறியவும்" என்கிற வாசகம் பயன்படுத்தப்படுகிறது.
ச்ராத்தம் முடியும்போது - "இஷ்டை: ஸஹ புஜ்யதாம்" என்கிற வாசகத்தை
"விரும்பியவர்களுடன் சாப்பிடவும்" எனத் தவறாகப் புரிந்துகொண்டுள்ளனர்,
இதற்கான சரியான அர்த்தம் "யார் சாப்பிட விரும்புகிறார்களோ அவர்களுடன்" என்று அர்த்தமே தவிர
கர்த்தா "தான் யாருடன் சாப்பிட விரும்புகிறாரோ" என்பது பொருள் அல்ல.
ச்ராத்தத்துக்கு மறுநாள் பூரிபோஜனம் என்று ததியாராதனமாக செய்யச்சொல்லியுள்ளது,
இதில் அனைவரையும் அழைத்து விருந்து வைக்கலாம், நன்மையும், புண்ணியமும் கூட.

என்.வி.எஸ்