6. திரு வேங்கட மாலை 100/104 : வேங்கடமே கோவத்தனக்கு&

[sridharv1946]

6. திரு வேங்கட மாலை 100/104 : வேங்கடமே கோவத்தனக்குடையார் குன்று !

தண் தாமரைச் சுனையில் சாதகமும் வேடுவரும் ,
விண்டாரை நாடும் வேங்கடமே - தொண்டு ஆக்கி
ஏவத்தனக்குடையார் என்னை , முன் நாள் எடுத்த
கோவத்தனக்குடையார் குன்று

விண்டாரை - விண் + தாரை
ஏவத்தனக்குடையார் - ஏவ + தனக்கு + உடையார்
கோவத்தனக்குடையார் - கோவத்தன + குடையார்

தண் தாமரைச் சுனையில் குளிர்ந்த தாமரை உடைய சுனையில் வாழும்
சாதகமும் சாதகப் பறவை
விண் தாரை நாடும்மேகத்தின் மழைத் தாரையை விரும்பும் இடமும் ,
வேடுவரும் வேடர்கள்
விண்டாரை நாடும் திமிரினால் போர் செய்ய பகைவரைத் தேடும்
வேங்கடமே திரு வேங்கட மலையே
தனக்கு தொண்டு ஆக்கி தனக்கு அடியவன் ஆக்கி
ஏவ என்னை உடையார் பணி செய்ய என்னை கொண்டவரும் ,
முன் நாள் எடுத்த முன் நாளில் எடுத்துப் பிடித்த
கோவத்தன கோவர்த்தன மலையை
குடையார் குடையாக கொண்டவருமான
குன்று திருமலை ஆகும்

--
V.Sridhar

Last edited by sridharv1946; 04-04-14, 22:38.