6. திரு வேங்கட மாலை 097/104 : வேங்கடமே கார் இல் அலங்

[sridharv1946]

6. திரு வேங்கட மாலை 097/104 : வேங்கடமே கார் இல் அலங்காரத்தார் காப்பு !

சேல் அஞ்சும் கண் மடவார் தேம் குழலும் , கோங்கினமும் ,
மேலஞ்சுவர்க்கம் ஆர் வேங்கடமே - கோலம் சேர்
மாரிலலங்காரத்தார் , மற்றும் பல் பூண் அணிந்த
காரிலலங்காரத்தார் , காப்பு

மாரிலலங்காரத்தார் - மாரில் + அலங்கு + ஆரத்தார்
காரிலலங்காரத்தார் - கார் + இல் + அலங்காரத்தார்

சேல் அஞ்சும் கண் மீன்கள் அஞ்சும் அழகுடைய கண்கள் கொண்ட
மடவார் பென்களின்
தேம் குழலும் நறுமணம் உள்ள கூந்தல்
மேல் அஞ்சு வர்க்கம் ஆர்மேனமையான ஐந்து வகை கொண்ட இடமும் ,
கோங்கினமும் கோங்கு மரங்களின் தொகுதி , உயரத்தால்
மேல் அம் சுவர்க்கம் ஆர் மேலே உள்ள அழகிய சுவர்க்கத்தைத் தொடும் இடமும் ஆன
வேங்கடமே திரு வேங்கட மலையே
கோலம் சேர் அழகு பொருந்திய
மாரில் அலங்கு ஆரத்தார் திரு மார்பில் அசையும் மாலைகளை உடையவரும் ,
மற்றும் பல் பூண் அணிந்த வேறு பல ஆபரணங்கள் அணிந்தவரும் ,
காரில் அலங்காரத்தார் கார் மேகம் போல அழகுள்ளவருமான திருமால்
காப்பு உயிர்களைப் பாதுகாக்கும் இடம் ஆகும்

V.Sridhar

[soundararajan50]

Re: 6. திரு வேங்கட மாலை 097/104 : வேங்கடமே கார் இல் அலங&a

"மேலஞ்சுவர்க்கம் ஆர் "
மாரிலலங்காரத்தார் - மாரில் + அலங்கு + ஆரத்தார்
காரிலலங்காரத்தார் - கார் + இல் + அலங்காரத்தார்
என்ன ஒரு அழகான கையாளல் அழகு தமிழ் பழகு தமிழ் பைந்தமிழ்