6. திரு வேங்கட மாலை 084/104 : வேங்கடமே மேய்த்த நல் Ī

[sridharv1946]

6. திரு வேங்கட மாலை 084/104 : வேங்கடமேமேய்த்த நல் பசு வர்க்கத்தார் நாடு !

நாரியர் தம் கூந்தலினும் , நாலும் அருவியினும் ,
வேரினறும் சாந்து ஒழுகும் வேங்கடமே - பாரினுளார் ,
அற்பசுவர்க்கத்தார் , அறிவு அரியார் ; முன் மேய்த்த
நற்பசுவர்க்கத்தார் நாடு

பதவுரை

அற்பசுவர்க்கத்தார் - அற்ப + சுவர்க்கத்தார்
நற்பசுவர்க்கத்தார் - நல் + பசு + வர்க்கத்தார்

நாரியர் தம் கூந்தலினும் மாதர்களுடைய கூந்தலிலிருந்து
வேரி நறு சாந்து ஒழுகும் மணம் உள்ள நல்ல சாந்து ஒழுகும் இடமும் ,
நாலும் அருவியினும் கீழ் நோக்கி வரும் அருவியில்
வேரின் அறும் சாந்து ஒழுகும் வேர் அற்ற சந்தன மரங்கள் அடித்து வரும் இடமுமான
வேங்கடமே திரு வேங்கட மலையே
பாரினுளார் பூமியில் இருப்பவகளும் ,
அற்ப சுவர்க்கத்தார் இழிவான ஸ்வர்க்கத்தில் இருப்பவர்களும்
அறிவு அரியார் அறிய முடியாதவரும் ,
முன் முன்பு கிருஷ்ணா வதாரத்தில்
மேய்த்த நற் பசு வர்க்கத்தார் நல்ல பசுக்களை மேய்த்தவருமானதிருமாலின்
நாடு திவ்ய தேசம் ஆகும்

V.Sridhar