6. திரு வேங்கட மாலை 083/104 : வேங்கடமே இரணியனை இடந்

[sridharv1946]

6. திரு வேங்கட மாலை 083/104 : வேங்கடமே இரணியனை இடந்தான் குன்று !

கோடு அஞ்சும் கோதையர்கள் கொங்கையினும் , குஞ்சரத்தும் ,
வேடன் சரம் தூக்கும் வேங்கடமே - சேடன் எனும்
ஓர் பன்னகத்திடந்தான் உற்றான் , இரணியனைக்
கூர்பன்னகத்திடந்தான் குன்று

பதவுரை

ஓர் பன்னகத்திடந்தான் - ஓர் + பன்னகத்திடம் + தான்
கூர்பன்னகத்திடந்தான் - கூர் + பல் + நகத்து + இடந்தான்

கோடு அஞ்சும் உயர்ந்த மலைச் சிகரங்கள் அஞ்சும்படியான
கோதையர்கள் கொங்கையினும் மாதர்களுடைய தனங்களில்
வேள் தன் சரம் தூக்கும் மன்மதன் தன் பாணங்களை செலுத்தும் இடமும் ,
குஞ்சரத்தும் யானைகளின் மீது
வேடன் சரம் தூக்கும் வேடன் அம்புகள் செலுத்தும் இடமுமான
வேங்கடமே திரு வேங்கட மலையே
சேடன் எனும் ஓர் பன்னகத்திடம் ஆதி சேஷன் எனும் பாம்பின் மேல்
தான் உற்றான் தான் பள்ளி கொண்டவனும் ,
இரணியனைக் ஹிரண்யாசுரனை
கூர் பல் நகத்து இடந்தான் கூரிய பல நகங்களால் மார்பைப் பிளந்தவனுமான திருமாலின்
குன்று திருமலை ஆகும்

V.Sridhar