6. திரு வேங்கட மாலை 081/104 : வேங்கடமே அண்டம் விரித

[sridharv1946]

6. திரு வேங்கட மாலை 081/104 : வேங்கடமே அண்டம் விரித்து புரந்து உடைத்தான் வெற்பு !

சீதம் கொள் சாரலினும் , சீர் மறையோர் இல்லிடத்தும்
வேதங்கணால் வளரும் வேங்கடமே - போதன்
சிரித்துப்புரந்துடைத்தான் தேவரொடும் அண்டம்
விரித்துபுரந்துடைத்தான் வெற்பு

பதவுரை

சிரித்துப்புரந்துடைத்தான் - சிரித்து + புரம் + துடைத்தான்
விரித்துபுரந்துடைத்தான் - விரித்து + புரந்து + உடைத்தான்

சீதம் கொள் சாரலினும் குளிர்ச்சியான மலைப் பக்கங்களில்
வே தம் கணால் வளரும் மூங்கில் தம் கணுக்களோடு வளரும் இடமும் ,
சீர் மறையோர் இல்லிடத்தும் சிறந்த அந்தணர் வீடுகளில்
வேதங்கள் நால் வளரும் நான்கு வேதங்களும் வளரும் இடமான
வேங்கடமே திரு வேங்கட மலையே
போதன் பிரமன்,
சிரித்து புரம் துடைத்தான் நகைத்து திரிபுரம் அழித்த சிவன் ,
தேவரொடும் மற்ற தேவர்களுடன் சேர்ந்து
அண்டம் விரித்து அண்ட கோளங்களை படைத்து
புரந்து உடைத்தான் காத்து , அழித்தவனான திருமாலின்
வெற்பு திருமலை ஆகும்

V.Sridhar