6. திரு வேங்கட மாலை 009/104 : வேங்கடமே அந்தரத்தான்

[sridharv1946]

6. திரு வேங்கட மாலை 009/104 : வேங்கடமே அந்தரத்தான் சார்பு !

மாலாய் சசி தழுவி வச்சிரம் ஏந்திப் புகர் மா
மேலாய் புரந்தரன் ஆம் வேங்கடமே - நாலாய்க்-
கிளர் வாகு மந்தரத்தான் கேட்டு அமரர் வேட்டுத்-
தளர் வாகு மந்தரத்தான் சார்பு

பதவுரை :

மாலாய் இந்திரன் மால் என்னும் பெயரைக் கொண்டு ,
( பெருமை உடைய வேங்கடம் எனும் மலையாய் )
சசி தழுவி இந்திராணியைக் கூடி ,
(சந்திரன் தன் மேலே தகும்படி இருக்கும்)
வச்சிரம் ஏந்தி வஜ்ராயுதத்தை கையில் கொண்டு ,
(வஜ்ரம் போன்ற ரத்தினக் கற்களை உடையதாய் )
புகர் மா மேலாய் செம்புள்ளிகளை உடைய ஐராவதம் எனும் யானை மேல் ஏறும்
(செம்புள்ளிகளை உடைய யானைகள் தன் மேல் ஏறும்)
புரந்தரன் ஆம் வேங்கடமே இந்திரன் போன்ற வேங்கட மலையே
நாலாய்க் கிளர் நான்காய் விளங்குகின்ற
வாகு மந்தரத்தான் மந்தர மலை போன்ற பெரிய தோள்களை உடையவனும் ,
அமரர் கேட்டு வேட்டு தேவர்கள் தனது புகழைக் கேட்டு , தாம் செல்ல விரும்பி
தளர் வாகும் அது முடியாததால் ,தளர்ச்சி அடைவதற்குக் காரணமும் ஆன
அந்தரத்தான் பரம பதத்தில் வாழும் திருமால்
சார்பு சார்ந்திருக்கும் இடம்

V.Sridhar