6. திரு வேங்கட மாலை 006/104 : தரு மா தரை நட்டான் ஆயரĮ

[sridharv1946]

6. திரு வேங்கட மாலை 006/104 : தரு மா தரை நட்டான் ஆயர் தரு மாதரை நட்டான்!

மாலைக் கோலித் திரியும் வையகத்தோர் தம் பிறவி
வேலைக்கு ஓர் வங்கம் ஆம் வேங்கடமே - சோலைத்
தரு மாதரை நட்டான் தண் முல்லை ஆயர்
தரு மாதரை நட்டான் சார்பு

பதவுரை :

தரு மாதரை நட்டான் - தரு மா தரை நட்டான்
- தரு மாதரை நட்டான்

மாலைக் கோலித் திரியும் மயக்கம் அடைந்து அலையும்
வையகத்தோர் தம் பூமியில் உள்ளவர்களுடைய
பிறவி வேலைக்கு பிறப்பு ஆகிய கடலுக்கு
ஓர் வங்கம் ஆம் வேங்கடமே ஒரு மரக்கலம் போன்ற வேங்கடமே ,
சோலைத் தரு தேவ நந்தவனத்தில் இருந்த பாரிஜாத மரத்தை
மா தரை நட்டான் பெரிய பூமியில் கொண்டு வந்து நட்டவனும் ,
தண் முல்லை ஆயர் தரு குளிர்ந்த முல்லை நிலத்தில் வாழும் இடையர்கள் பெற்ற
மாதரை நட்டான் பெண்களோடு நட்பாக கூடியவனுமான திருமால்
சார்பு விரும்பி சார்ந்திக்கும் இடம் ஆகும்

V.Sridhar