5. திருவரங்கத்து மாலை - 106/114 : பொன் மேனி நெடும் கட

[sridharv1946]

5. திருவரங்கத்து மாலை - 106/114 : பொன் மேனி நெடும் கடலே நிகர்க்கும் !

கைத்து பழவினை ; தித்திக்க , என் தன கருத்தின் உள்ளே ;
பைத் துத்தி மெத்தையின் மீதே துயிலும் - பைங்கேழ் எறிந்து
மைத்து , குளிர்ந்து , மதுரித்து , மெத்தென்று , மா மணத்து ,
நெய்த்து , புகர்ந்து , நிகர்க்கும் பொன் மேனி நெடும் கடலே

பதவுரை :

பைங்கேழ் எறிந்து பசுமை நிறமான ஒளியை வீசி ,
மைத்து குளிர்ந்து மை போல் கருத்து , குளிர்ந்து ,
மதுரித்து மெத்தென்று இனியதாகி , மென்மையாய் ,
மா மணத்து நெய்த்து மிக்க மணம் வீசப் பெற்று , பளபளப்பு கொண்டு ,
புகர்ந்து கபில நிறம் உடையதாய் ,
நிகர்க்கும் இவை எல்லாம் ஒத்திருக்கும்
பொன் மேனி பொன் போன்ற திருமேனியை உடைய ,
நெடும் கடலே பெரிய கடல் ஆன நம் பெருமாள்
கைத்து பழவினை பழைய இரு வினைகளையும் போக்கி ,
தித்திக்க என் தன கருத்தின் உள்ளே என் மனத்தில் இனிக்கும்படி ,
பைத் துத்தி படங்களையும் புள்ளிகளையும் உடைய ,
மெத்தையின் மீதே ஆதி சேஷன் எனும் படுக்கையின் மேலே ,
துயிலும் யோக நித்திரை செய்து அருள்வார்

V.Sridhar