5. திருவரங்கத்து மாலை - 73/114 : ஸ்ரீ கிருஷ்ண அவதார

[sridharv1946]

5. திருவரங்கத்து மாலை - 73/114 : ஸ்ரீ கிருஷ்ண அவதார வைபவம் 23/25 (திருவடி பெருமை)

நெட்டரவின் பெரு மூச்சு எழ , வீசு நெருப்பில் வெந்து ,
பட்ட கடம்பும் தழைத்தது , மீள ; பசுந் துளவின்
மட்டு அவிழ் தொங்கல் அரங்கர் பொற்றாள் பட வாளி வெந்தீச்-
சுட்ட கருங் கட்டையும் பெற்றது ஆர் உயிர் ; சொல்வது என்னே ?

பதவுரை :

பசுந் துளவின் பசுமையான திருத்துழாயினால் ஆன
மட்டு அவிழ் தொங்கல் மணம் வீசும் மாலைகளை உடைய
அரங்கர் பொற்றாள் பட திருவரங்கரது அழகிய திருவடி பட்டவுடன் ,
நெட்டரவின் பெரு மூச்சு எழ பெரிய காளிங்கன் எனும் நாகத்தின் பெரு மூச்சு எழும்படி
வீசு நெருப்பில் வெந்து பட்ட வீசும் விஷ அக்னிச் சுவாலையில் எரிந்து போன
கடம்பும் தழைத்தது மீள கடம்பமரமும் மறுபடியும் வளர்ந்தது ;
வாளி வெந்தீ அசுவத்தாமன் ஏவிய அம்பின் கொடிய நெருப்பினால்
சுட்ட கருங் கட்டையும் சுடப்பட்ட பரீட்சித்தின் உடல் ஆகிய கரும் கட்டையும்
பெற்றது ஆர் உயிர் அரிய உயிரை அடைந்தது
சொல்வது என்னே பெருமையை மேலே என்ன சொல்லுவது ?

V.Sridhar