5. திருவரங்கத்து மாலை - 57/114 : ஸ்ரீ கிருஷ்ண அவதார

[sridharv1946]

5. திருவரங்கத்து மாலை - 57/114 : ஸ்ரீ கிருஷ்ண அவதார வைபவம் 7/25

நெடும் கான் நிலத்து , கடும் கான நல் அனல் துற்ற மாயம் என்ன !

நெடும் கான் நிலத்து , உடன் கோவலர் தாம் , மிக நின்று ' நெஞ்சம்
நடுங்காது , இமைத்திடும் கண்கள் எல்லாம் ' என்று - நண்ணவர் மேல்
விடும் கால நேமி அம் கை அரங்கா ! கண் விழிக்கு முன்னே
கடும் கான நல் அனல் துற்ற அம் மாயம் என் சொல்லுகவே ?


பதவுரை :

நண்ணவர் மேல் விடும் பகைவர் மேல் பிரயோகிக்கின்ற
கால நேமி யமனை ஒத்த சக்கரத்தை ஏந்திய
அம் கை அரங்கா அழகிய கைகள் உடைய அரங்க நாதனே !
நெடும் கான் நிலத்து பெரிய காட்டினில்
உடன் கோவலர் தாம் மிக இடையர்கள் மிகத் திரண்டு இருக்க
நின்று நீ அவர்கள் நடுவே நின்று
நெஞ்சம் நடுங்காது "மனம் அஞ்சாமல்
இமைத்திடும் கண்கள் எல்லாம் என்று கண்களை மூடிக் கொள்ளுங்கள் " என்று கூறி
கண் விழிக்கு முன்னே அவர்கள் கண்ணைத் திறக்கு முன்னே
கடும் கான நல் அனல் வெப்பம் பொருந்திய பெரும் காட்டுத் தீ முழுவதையும்
துற்ற அம் மாயம் விழுங்கிய அந்த மாயத்தை
என் சொல்லுகவே ? என்ன என்று சொல்வது


அடுத்து வருவது : ஸ்ரீ கிருஷ்ண அவதார வைபவம் 8/25


V.Sridhar