4. நூற்றெட்டு திருப்பதி அந்தாதி - 024/116 திருவால

[sridharv1946]

4. நூற்றெட்டு திருப்பதி அந்தாதி - 024/116 திருவாலி மாயனையே சேர்ந்து உய்ந்தேன் !


திருப்பதி - 18/108. சோழ நாடு - 18/40 : திருவாலி


கழன்று போம் வாயுவினைக் கட்டாமல் தீர்த்தம்
உழன்று போய் ஆடாமல் உய்ந்தேன் - அழன்று
பொரு வாலி காலன் பர காலன் போற்றும்
திருவாலி மாயனையே சேர்ந்து


பதவுரை :


அழன்று பொரு வாலி காலன் கோபித்துப் போர் செய்த வாலிக்கு யமன் ஆனவனும்
பர காலன் போற்றும் திரு மங்கை ஆழ்வார் துதித்த
திருவாலி மாயனையே சேர்ந்து திரு வாலியில் இருக்கும் மாயனைப் பற்றிக் கொண்டதால் ,
கழன்று போம் உடம்பிலிருந்து வெளியே செல்லும்
வாயுவினைக் கட்டாமல் மூச்சுக் காற்றை பிராணாயாமத்தால் அடைக்காமலும்
உழன்று போய் தீர்த்தம் ஆடாமல் வருந்தி சென்று புண்ணிய தீர்த்தம் ஆடாமலும்
உய்ந்தேன் நற்கதியை அடைந்தேன்