4. நூற்றெட்டு திருப்பதி அந்தாதி 004/108 கூரத்தாī

[sridharv1946]

4. நூற்றெட்டு திருப்பதி அந்தாதி 004/108 கூரத்தாழ்வான் அடியை கூடுவது எக்காலம் ?

முக்காலமில்லா முகில் வண்ணன் வைகுந்தத்து
எக்காலம் செல்வான் இருக்கின்றேன் - தக்கார் எண்
கூரத்தாழ்வான் அடியை கூடுதற்கு நாய் அடியேன்
போரத்தாழ்வான சடம் போட்டு

பதவுரை : கூரத்து + ஆழ்வான்
போர + தாழ்வான

நாய் அடியேன் நாய் போல கடைப்பட்டவனான நான்
போரத் தாழ்வு ஆன சடம் போட்டு மிக இழிவுடைய இவ்வுடலை இங்கு விட்டுவிடடு
தக்கார் எண் கூரத்தாழ்வான் பெரியோர்களால் மதிக்கப்படும் கூரத்தாழ்வானுடைய
அடியை கூடுதற்கு திருவடிகளைச் சேர்வதற்கு
முக்காலம் இல்லா இறந்த , நிகழ் , எதிர் ஆகிய மூன்று காலங்களும் இல்லாத
முகில் வண்ணன் வைகுந்தத்து கரிய நிறம் உடைய திருமாலின் ஸ்ரீ வைகுண்டத்தில்
எக்காலம் செல்வான் இருக்கின்றேன் எந்நாளில் சென்று சேரப் போகின்றேன் ?

V.Sridhar