3. அழகர் அந்தாதி - 033/100 நெஞ்சே - திருமாலிருஞ்சோல

[sridharv1946]

3. அழகர் அந்தாதி - 033/100 நெஞ்சே - திருமாலிருஞ்சோலையானை என்று பேணுவையே ?

தேராயிரவு பகல் இரை தேடுவை ; தீமை நன்மை
பாராயிரங்குவ பாவையரால் ; பண்டு மாவலியால்
சோராயிரந்தவனை , திருமாலிருஞ்சோலை நின்ற
பேராயிரம் உடையானை - நெஞ்சே - என்று பேணுவையே ?



பதவுரை :தேராய் + இரவு
பாராய் + இரங்கு
சோராய் + இரந்தவனை
பேர் + ஆயிரம்

நெஞ்சே தேராய் என் மனமே ! நீ ஆராய்ந்து தெளிய மாட்டாய் !
இரவு பகல் இரை தேடுவை இரவும் பகலும் உணவைத் தேடி அலைவாய் !
தீமை நன்மை பாராய் எது தீயவை எது நல்லவை என்று நோக்க மாட்டாய் !
பாவையரால் இரங்குவை பெண்களுக்காக வருந்துவாய் !
பண்டு மாவலியால் சோராய் இரந்தவனை முன்பு மாவலியிடம் கபடமாய் யாசித்தவனும் ,
திருமாலிருஞ்சோலை நின்ற சோலை மலையில் நிற்பவரும் ,
பேர் ஆயிரம் உடையானை ஆயிரம் திருநாமங்கள் உடையவருமான அழகர்பிரானை
என்று பேணுவையோ எப்போது நீ தியானிக்கப் போகிறாயோ ?