3. அழகர் அந்தாதி - 014/100 அழகரை மனத்துள் வைப்பார்

[sridharv1946]

3. அழகர் அந்தாதி- 014/100 அழகரை நவின்று மனத்துள் வைப்பார்அவர் பதம் சேருவரே !

நாமங்களாவி நழுவுந்தனையும் நவின்று அவரைத்-
தாமங்களாவி மனத்துள் வைப்பார் - தண்டலையின் அகில்
தூமங்களாவி மணம் நாறும் மாலிருஞ்சோலை அன்பர்
சேமங்களாவின் கனி அனையார் பதம் சேருவரே




பதவுரை : நாமங்கள் + ஆவி
தாம் + அங்கு + அளாவி
தூமங்கள் + ஆவி
சேமம் + களாவின்

ஆவி நழுவும் தனையும் உயிர் நீங்கும் வரையிலும்
நாமங்கள் நவின்று அழகருடைய திரு நாமங்களை வாயினால் உச்சரித்து
அவரைத் தாம் அங்கு அளாவி அப்பெருமானை அவ்விடத்தில் அடைந்தது பற்றி
மனத்துள் வைப்பர் மனத்தால் தியானித்து , உடலால் வணங்குபவர்கள்
தண்டலையில் ஆவி சோலைகளில் குளங்கள்
அகில் தூமங்கள் மணம் நாறும் அகில் புகை மணம் வீசும்
மாலிருஞ்சோலை அன்பர் திரு மாலிருஞ்சோலையில் எழுந்தருளி இருப்பவரும் ,
அன்பர் எல்லோரிடமும் அன்புடையவரும் ,
சேமம் பாதுகாப்பாக உள்ளவரும் ,
களாவின் கனி அனையார் களாப் பழம் போன்ற கரிய நிறமுடையவரான அழகரின்
பதம் சேருவரே திருவடிகளை அடைவார்கள்