3. அழகர் அந்தாதி - 011/100 அழகா ! அருளாய் வாழ்க்கை ந

[sridharv1946]

3. அழகர் அந்தாதி- 011/100 அழகா ! அருளாய் வாழ்க்கை நிலை பெறவே !

வினைக்குமருந்தரிக்கும் பிணி மூப்புக்கும் வீசுகின்றவே-
தனைக்குமருந்தன்ன தாள் அழகா செய்ய தாமரையங்-
கனைக்குமருந்தமுதே அருளாய் நின்னைக் காதலித்து
நினைக்குமருந்ததி தன உயிர் வாழ்க்கை நிலை பெறவே



பதவுரை : வினைக்கும் + மருந்து
வேதனைக்கும் + மருந்து
அங்கனைக்கும் + அருந்து
நினைக்கும் + அருந்ததி

வினைக்கும் நல வினை , தீ வினை
மருந்து அரிக்கும் பிணி மூப்புக்கும் மருந்தை அழிக்கும் நோய் , முதுமை
வீகின்ற வேதனைக்கும் மரண வேதனை ஆகிய எல்லாவற்றையும் போக்கவும் வல்ல
மருந்து அன்ன தாள் அழகா தேவாமிருதம் போன்ற திருவடிகளை உடைய அழகா !
செய்ய தாமரை அங்கனைக்கும் செந்தாமரையில் இருக்கும் மகா லக்ஷ்மிக்கும்
அருந்து அமுதே பிரியமான அமிர்தம் போன்றவனே !
நின்னைக் காதலித்து நினைக்கும் உன்னை விரும்பி நினைத்துள்ள
அருந்ததிதன் உயிர் வாழ்க்கை அருந்ததி போன்ற இந்த பெண்ணின் உயிர் வாழ்வு
நிலை பெற அருளாய் நிலை பெறும்படி கருணை செய்வாய் !