திருவரங்கத்தந்தாதி 70 அரங்கன் அடிமலர் அவĪ

[sridharv1946]

திருவரங்கத்தந்தாதி 70 அரங்கன் அடிமலர் அவனிக்குப் பாய் மரம் !

காமனத்தால்விழவூதியக்காவைக்கவரரங்கன்
காமனத்தாவென்றுநைவார்க்கமுதன்கன்னெஞ்சார்க்கிரங்-
காமனத்தாநளைக்குங்கலற்பார்கலம்போன்றதுமீ -
காமனத்தாமரையோன்கங்கைபாய்மரங்கான்மலரே




பதவுரை : கா + மன் + நத்தால்
காமன் + அத்தா
இரங்கா + மனத்தான்
மீகாமன் + அ + தாமரையோன்


கா மன் கற்பகச்சோலையின் தலைவனான இந்திரன்
நத்தால் விழ ஊதி பாஞ்சஜன்யத்தின் ஓசையால் மயங்கி விழும்படி ஊதி
அக்காவைக் கவர் அங்கிருந்த பாரிஜாத மரத்தைத் திருடி வந்தவனும் ,
காமன் அத்தா என்று "மன்மதன் தந்தையே" என்று
நைவார்க்கு உருகி வேண்டும் பக்தர்களுக்கு
அமுதன் அமுதம் போல் இனியவன் ஆனவனும் ,
கல் நெஞ்சர்க்கு கல்லைப் போல் கடினமான மனத்தவர்க்கு
இரங்கா மனத்தான் கருணை காட்டாதவனுமான
அரங்கன் ரங்கநாதன்
அளக்கும் (த்ரிவிக்ரமாவதாரத்தில்) அளந்த
கடல் பார் கடல் சூழ்ந்தபூமி
கலம் போன்றது கப்பல் போன்றது ;
அத் தாமரையோன் தாமரையில் இருக்கும் பிரம்மா
மீகாமன் (கப்பலுடைய) மாலுமி போன்றவன் ;
கால் மலர் (த்ரிவிக்ரமனின்) திருவடித் தாமரை
மரம் (கப்பலுடைய) பாய்மரம் போன்றது ;
கங்கை (திருவடியிலிருந்து பெருகிய ) கங்கா நதி
பாய் பாய் போன்றது .