திருவரங்கத்தந்தாதி 38 ஏறும் கரியும் செற்ற

[sridharv1946]

திருவரங்கத்தந்தாதி 38 ஏறும் கரியும் செற்றானை ஏத்தினால் வினை ஏறும் கரியும் !


ஏறுங்கரியும்பரியும்செற்றான்பரனென்றுமன்றுள்
ஏறுங்கரிமறையாதலினாலையம்யாதுமக்கீடு
ஏறுங்கரியவரங்கற்கன்பாய்வினையென்னுமிடி
ஏறுங்கரியுமினிமேற்பிறவியிடரில்லையே

பதவுரை : ( கரி - யானை / சாக்ஷி / கருமை / அழியும் ! )

ஏறும் (ஏழு) காளைகளையும்
கரியும் (குவலயாபீடம் ) யானையையும்
பரியும் (கேசி) குதிரையையும்
செற்றான் வென்றவனான திருமால்
பரன் என்று மேலான இறைவன் என்று
மன்றுள் ஏறும் நியாய சபையால் ஏற்றுக்கொள்ளும்படியான
கரி சாக்ஷி
மறை வேதம் ஆகும் .
ஆதலினால் ஆகையால்
உமக்கு உங்களுக்கு
ஐயம் யாது சந்தேகம் என்ன ?
கரிய அரங்கர்க்கு கரிய நிறமுடைய ரங்கநாதருக்கு
அன்பர் ஆய் அடியவர்கள் ஆகி
ஈடேறும் வாழுங்கள் !
வினை என்னும் இடி கருமமாகிய பேரிடி
கரியும் அழிந்து போகும் !
இனிமேல் பிறவி இடர் இல்லை இனி பிறப்புத் துன்பம் இல்லை !