Tweet
155.திருமகள்
தனதனன தான தனனதன தான
தனதனன தான தனதான
திருமக ளுலாவு மிருபுய முராரி
திருமருக நாமப் பெருமாள்காண்
செகதலமும் வானு மிகுதிபெறு பாடல்
தெரிதரு குமாரப் பெருமாள்காண்
மருவுமடி யார்கள் மனதில்விளை யாடு
மரகதம யூரப் பெருமாள்காண்
மணிதரளம் வீசி யணியருவி சூழ
மருவுகதிர் காமப் பெருமாள்காண்
அருவரைகள் நீறு படஅசுரர் மாள
அமர்பொருத வீரப் பெருமாள்காண்
அரவுபிறை வாரி விரவுசடை வேணி
அமலர்குரு நாதப் பெருமாள்காண்
இருவினையி லாத தருவினைவி டாத
இமையவர்கு லேசப் பெருமாள்காண்
இலகுசிலை வேடர் கொடியினதி பார
இருதனவி நோதப் பெருமாளே
155 கதிர் காமம்
தனதனன தான தனனதன தான
தனதனன தான தனதான
திருமக ளுலாவு மிருபுய முராரி
திருமருக நாமப் பெருமாள்காண்
செகதலமும் வானு மிகுதிபெறு பாடல்
தெரிதரு குமாரப் பெருமாள்காண்
மருவுமடி யார்கள் மனதில்விளை யாடு
மரகதம யூரப் பெருமாள்காண்
மணிதரளம் வீசி யணியருவி சூழ
மருவுகதிர் காமப் பெருமாள்காண்
அருவரைகள் நீறு படஅசுரர் மாள
அமர்பொருத வீரப் பெருமாள்காண்
அரவுபிறை வாரி விரவுசடை வேணி
அமலர்குரு நாதப் பெருமாள்காண்
இருவினையி லாத தருவினைவி டாத
இமையவர்கு லேசப் பெருமாள்காண்
இலகுசிலை வேடர் கொடியினதி பார
இருதனவி நோதப் பெருமாளே
155 கதிர் காமம்
சுருக்க உரை
இலக்குமிக்கும், திருமாலுக்கும் மருகனே. மண்ணுலகும், விண்ணுலகும் போற்றும் தேவாரப் பாடல்களை சம்பந்தராக வந்து அருளிய பெருமாள் நீ. உனது திருவடியைச் சார்ந்த அடியார்களின் மனத்தில் விளையாடும் பெருமான் நீ. மணியையும், முத்தையும் வீசும் அருவிகள் சூழ்ந்த கதிர் காமத்துப் பெருமான் நீ. பெரிய மலைகள் பொடிபடவும், அசுரர்கள் மாளவும் போர் புரிந்த பெருமான் நீ. பாம்பு, நிலவு, கங்கை நீர் இவை கலந்துள்ள பெரிய சடையை உடைய மலமற்ற சிவபெருமானின் குருநாதர் நீ. வினைகள் அற்ற பெரியோர்களுக்கும், கற்பக தருவை விட்டுநீங்காத தேவர் குலத்து தேவேந்திரனுக்கும் தலைவன் நீ.வேடுவர்பெண்ணாகிய வள்ளியின் பெரிய கொங்கைகளில் களி கூரும் பெருமாள் நீ. உன்னைத் துதிக்கின்றேன்.
விளக்கக் குறிப்புகள்
சடை வேணி .... அடவி காடே என்பது போல் ஒரு பொருள் இரட்டைச் சொல். மிகுதியைக் குறிக்கும்.
இலக்குமிக்கும், திருமாலுக்கும் மருகனே. மண்ணுலகும், விண்ணுலகும் போற்றும் தேவாரப் பாடல்களை சம்பந்தராக வந்து அருளிய பெருமாள் நீ. உனது திருவடியைச் சார்ந்த அடியார்களின் மனத்தில் விளையாடும் பெருமான் நீ. மணியையும், முத்தையும் வீசும் அருவிகள் சூழ்ந்த கதிர் காமத்துப் பெருமான் நீ. பெரிய மலைகள் பொடிபடவும், அசுரர்கள் மாளவும் போர் புரிந்த பெருமான் நீ. பாம்பு, நிலவு, கங்கை நீர் இவை கலந்துள்ள பெரிய சடையை உடைய மலமற்ற சிவபெருமானின் குருநாதர் நீ. வினைகள் அற்ற பெரியோர்களுக்கும், கற்பக தருவை விட்டுநீங்காத தேவர் குலத்து தேவேந்திரனுக்கும் தலைவன் நீ.வேடுவர்பெண்ணாகிய வள்ளியின் பெரிய கொங்கைகளில் களி கூரும் பெருமாள் நீ. உன்னைத் துதிக்கின்றேன்.
விளக்கக் குறிப்புகள்
சடை வேணி .... அடவி காடே என்பது போல் ஒரு பொருள் இரட்டைச் சொல். மிகுதியைக் குறிக்கும்.