கிச்சன் டிப்ஸ்

வெண்டைக்காய் புதியதாக இருந்தால், சமைக்கும் போது வழுவழுப்பாக இருக்கும். அதை தவிர்க்க, வெண்டைக்காய் மீது மோரையோ அல்லது புளி கரைத்த நீரையோ தெளித்தால் நன்றாக இருக்கும்.
* சேப்பங்கிழங்கை வேக வைத்து தோல் உரித்த பிறகு, அதை பிரிஜ்ஜில் 2, 3 மணி நேரம் வைக்க வேண்டும். அதன் பின், பொரித்தோமானால், ஒன்றோடு ஒன்று ஒட்டாமல், தனி தனியாகவும் மொர மொரப்பாகவும் இருக்கும்.
* பச்சை மிளகாய் பழுக்காமல் இருக்க, ஒரு பாட்டிலில் மிளகாயுடன் மஞ்சள் பொடி ஒரு சிட்டிகை போட்டு, இறுக மூடி வைக்க வேண்டும்.
* பயறு வகைகளை வாங்கியதும், அவற்றை வெறும் கடாயில் போட்டு, லேசாக சூடாக்க வேண்டும். அதன் பின், டப்பாவில் போட்டு வைத்தால், பூச்சி பிடிக்காது.
* பருப்பு ரசம் செய்றீங்களா? இரண்டு பச்சை மிளகாயை நீள வாக்கில் வெட்டி, ரசம் நுரைத்து வரும் போது போடுங்கள். அதன் சுவை சூப்பராக இருக்கும்.
* தோசை பொடி அரைக்கும் போது, ஒரு டேபிள் ஸ்பூன் சீரகத்தை வறுத்து, பருப்புடன் சேர்த்து அரைக்க வேண்டும். இப்படி செய்வதால், வாசனையாக இருப்பதுடன் எளிதில் செரிக்கும்.
* வெங்காய பக்கோடா கமகமவென்று இருக்க வேண்டுமா? பக்கோடா செய்யும் போது, பாதி வெங்காயத்தையும், சிறிது இஞ்சியையும் மிக்சியில் விழுதாய் அரைத்து, அதை மாவில் கலந்து பக்கோடா செய்யுங்கள். பிறகென்ன, வாசனை ஊரையே தூக்கும்.
* ப்ரைட் ரைஸ் மற்றும் வெஜிடபிள் பிரியாணி செய்யும் போது, அதனுடன் வேக வைத்த சோளத்தையும் சிறிது சேர்த்துக் கொள்ள வேண்டும். இது பார்ப்பதற்கு அழகாக இருப்பது மட்டுமின்றி, உணவின் சுவையும் சூப்பராக இருக்கும்.

* முள்ளங்கி, காலிபிளவர் போன்ற காய்களை வாங்கும் போது, அவற்றின் இலைகளோடு சேர்த்து வாங்க வேண்டும். அந்த இலைகளை பொடியாக நறுக்கி, பருப்பு சேர்த்து கூட்டு சமைத்து சாப்பிட நன்றாக இருக்கும். சூப் தயாரித்தும் சாப்பிடலாம்.
* அரைத்து விட்ட சாம்பார் செய்யும் போது, அரைக்க வேண்டிய சாமான்களுடன் கொஞ்சம் கசகசாவை வறுத்து அரைத்தால் சாம்பார் சுவையாக இருக்கும்.
* பாயசம் செய்யும் போது பால் திரிந்து போனால், இரண்டு சிட்டிகை சமையல் சோடாவை போட்டால் திரிந்த பால் சரியாகிவிடும்
* தயிர் பச்சடி, சாலட் என்று எது செய்தாலும், தேங்காய் எண்ணெயில் கடுகு, கறிவேப்பிலை தாளித்து கொட்ட, வாசனை சற்று தூக்கலாக இருக்கும்.
* தேங்காய் துருவும் போது, தேங்காய் ஓடும் சேர்ந்து வரும் அளவிற்கு துருவக் கூடாது. தேங்காய் ஓட்டுத்தூள் குடல் புண்களை ஏற்படுத்தும்.
* துவையல் அரைக்கும் போது, மிளகாயைத் தவிர்த்து மிளகு சேர்த்து அரைக்கலாம். கொழுப்பை நீக்கும் தன்மை கொண்டது மிளகு.
* துவரம்பருப்பை வேக வைக் கும் போது, ஒரு தேக்கரண்டி வெந்தயத்தையும் சேர்த்தால், சாம்பார் இரவு வரை கெடாமல் இருக்கும்.
* வெள்ளி நகைகள் வைத்திருக்கும் டப்பாவில் சிறிதளவு கற்பூரத்தை போட்டு வைத்தால் நகைகள் கறுக்காது.

[krishnaamma]

Re: கிச்சன் டிப்ஸ்

Thanks for the tips

[bmbcAdmin]

Re: கிச்சன் டிப்ஸ்

ஶ்ரீ:
க்ருஷ்ணாம்மா தங்களுக்கும் குடும்பத்தாருக்கும் புத்தாண்டு வாழ்த்துக்கள்.
நீண்டநாட்களாகிவிட்டன.
புத்தாண்டுக்கும், பொங்கலுக்கும் புதிய தளிகை வெரைட்டிகள் எதாவது போடுங்களேன்.
மேலும், மோர்க்குழம்பில் பச்சை மிளகாய் வாசனை நெடியாக இல்லாமல் இருக்க என்ன செய்யவேண்டும்?
என்.வி.எஸ்

[krishnaamma]

Re: கிச்சன் டிப்ஸ்

ஶ்ரீ:
க்ருஷ்ணாம்மா தங்களுக்கும் குடும்பத்தாருக்கும் புத்தாண்டு வாழ்த்துக்கள்.
நீண்டநாட்களாகிவிட்டன.
புத்தாண்டுக்கும், பொங்கலுக்கும் புதிய தளிகை வெரைட்டிகள் எதாவது போடுங்களேன்.
மேலும், மோர்க்குழம்பில் பச்சை மிளகாய் வாசனை நெடியாக இல்லாமல் இருக்க என்ன செய்யவேண்டும்?
என்.வி.எஸ்

நமஸ்காரம் மாமா உங்களின் புத்தாண்டு வாழ்த்துகளுக்கு ரொம்ப நன்றி ! உங்களுக்கும் உங்கள் குடும்பத்தாருக்கும் எங்களின் புத்தாண்டு நல் வாழ்த்துகள் ! கொஞ்சம் வேலை அதிகம் மாமா அது தான் வர முடியலை. மோர்குழம்பு தானே இதோ போடறேன் கைவசம் நிறைய வெரைட்டி இருக்கு

பச்சை மிளகாயை நல்லா வதக்கி போடுங்கோ மாமா, ரொம்ப நெடி இல்லாமல் இருக்கும்