சிரார்த்த தளிகை - செய்முறை (ஐயங்கார்)

[krishnaamma]

சொஜ்ஜி அப்பம்

பூரணத்துக்கு தேவையானவை:


ரவை - 1 கப்
வெல்லம் - 1 கப்
ஏலக்காய் பொடி - 1/4 டீஸ்பூன்


மேல்மாவுக்கு :


மைதா - 2 கப்
உப்பு - 1/4 டீஸ்பூன்
நெய் - 2 அல்லது 3 டீஸ்பூன்


எண்ணை - பொரிப்பதற்கு தேவையான அளவு


செய்முறை :


முதலில் மைதாவை சிறிது உப்பு சேர்த்து, கெட்டியாக பூரி மாவு போல் பிசையவும். கடைசியில், ஒரு டீஸ்பூன் எண்ணெய் ஊற்றி கலந்து வைக்கவும்.


அடிகனமான இலுப்பச்சடி இல் நெய் விட்டு ரவையை சிவக்க வறுக்கவும்.
வெல்லத்தை தண்ணீரில் நன்றாக கொதிக்க வைத்து வடிகட்டி அதை ரவை கலவையில் கொட்டி கிளறவும்.


மூன்றும் சேர்ந்து கெட்டியாக சுருண்டு வரும் பதத்தில் ஏலக்காய் பொடி சேர்த்து கிளறி இறக்கவும்.


ஆறியதும், பூரணத்தை சிறு உருண்டைகளாக உருட்டி வைத்துக் கொள்ளவும்.


மாதாவை சிறு உருண்டைகளாக உருட்டி பூரிபோல் செய்து, நடுவில் பூரண உருண்டையை வைத்து வெளியில் வராத அளவுக்கு மூடவும்.


வாழை இலை மேல் சிறியதாக, கொஞ்சம் கனமான பூரி போல தட்டி வைக்கவும்.


புதிய ஈர்க்குச்சியால் அந்த தட்டி வைத்த பூரிகளை குத்திவிடவும்.
இப்படி செய்வதால், சொஜ்ஜி அப்பங்கள் தட்டையாக வரும்; இல்லாவிட்டால் பூரி போல உப்பிக்கொண்டு வரும். அப்படி வந்தால் சாப்பிட நல்லா இருக்காது. சரியா?


இப்படி 4 , 4லாக தட்டி எண்ணெயில் பொரித்தெடுக்கவும்.


இது எண்ணையை குடிக்கும், எனவே எடுக்கும்போது மற்றும் ஒரு சட்டுவத்தால், சொஜ்ஜியப்பத்தை நன்றாக அழுத்தி எடுக்கணும்.

[krishnaamma]

அதிரசம்

தேவையானவை:


பச்சரிசி 1/2 கிலோ
வெல்லம் 1/4 கிலோ
எண்ணை – பொறிக்க
ஏலப்பொடி 1/2 ஸ்பூன்


செய்முறை:

அரிசியை கல் குப்பை நீக்கி, களைந்து உலர்த்தனும்.
ஒரு 1/2 மணி நேரம் காயனும்.
ரொம்பவும் காய கூடாது, கொஞ்சம் ஈரமாக இருக்கும் போதே மிக்ஸில மாவாக அரைக்கணும்.
நன்கு சலிக்கவும்.
வெல்லத்தை எடுத்து உடைத்து 3/4 கப் தண்ணீரில் போடவும் .
அது நன்கு கொதிக்க ஆரம்பிக்கும் முன், வடி கட்டவும்.
மீண்டும் அடுப்பில் வைத்து கொதிக்க விடவும்.
கிளறிக்கொண்டே இருக்கவும் இல்லாவிடில் பொங்கிவிடும்.
பாகு கொஞ்சம் கெட்டியாக துவங்கும் போது, ஒரு சின்ன கிண்ணி இல் தண்ணி எடுத்து வைத்துக்கொண்டு, இந்த பாகிலிருந்து ஒரு ஸ்பூன் எடுத்து அதில் விடவும்.
உங்கள் கைவிரல்களால், பாகை உருட்ட முடிந்தால் சரியான பதம் என பொருள்.
இல்லாவிட்டால் இன்னும் கொதிக்கணும் என பொருள் . சரியா?
பதம் சரி என பட்டதும் அடுப்பை சின்னதாக்கி விட்டு, ஏலப்பொடி போடவும்.
அடுப்பிலிருந்து இறக்கவும்.
ஒரு பெரிய பேசினில், அரிசி மாவை போடவும் .
இந்த பாகிலிருந்து ஒரு கரண்டி அதில் விடவும்.
அதை கலக்கவும்.
மீண்டும் மாவில் பாகை விடவும் , கலக்கவும்.
இதற்க்கு “பாகு செலுத்துதல்” என்று பெயர்.
மாவில் பாகை கொஞ்சம் கொஞ்சமாக போடணும் பாகில் மாவை கொட்டக்கூடாது.
பிறகு மாவை நன்கு அழுத்தி பிசைந்து, வடை போல தட்டி எண்ணெய் இல் போட்டு எடுக்கணும். புதிய ஈர்க்குச்சியால் அந்த தட்டி வைத்த அதிரசங்களை குத்திவிடவும்.
இப்படி செய்வதால், அதிரசம் தட்டையாக வரும்; இல்லாவிட்டால் பூரி போல உப்பிக்கொண்டு வரும். அப்படி வந்தால் சாப்பிட நல்லா இருக்காது. சரியா?
இப்படி 4 , 4லாக தட்டி எண்ணெயில் பொரித்தெடுக்கவும்.
இது எண்ணையை குடிக்கும், எனவே எடுக்கும்போது மற்றும் ஒரு சட்டுவத்தால், அதிரசத்தை நன்றாக அழுத்தி எடுக்கணும்.

[krishnaamma]

Re: சிரார்த்த தளிகை - செய்முறை (ஐயங்கார்)

இந்த திரியில் பின்னுட்டம் தான் யாரும் போடலையே தவிர 20 ஆயிரத்துக்கும் மேல பார்வையாளர்கள்.......சூப்பர் ! அனைவருக்கும் நன்றி நன்றி நன்றி ! :வணக்கம்: :வணக்கம்: :வணக்கம்: